braXXis|bläch|strom|schlag|bier|musig

Über eus

Im Jahr 2011 händ sich es paar Kollege zumene Wanderweekend im schöne Mustair GR troffe. Nach enere intensive Wanderig hed de Tag gmüetlich bi Wurst und Bier gänded. S'Einte hed zum Andere gfüehrt und so heds sich ergäh, dass sich d'Kuchi vo de Hütte plötzlich mit Chochlöffel und Gsang inen veritable Konzärtsaal verwandled hed. A dem Abig isch de Grundstei für d'braXXis gleid worde.

Churz nach de Rückchehr i d'Heimat Baar händ sich umgehend acht begeischterti Musigfründe troffe und sich zu de hütige Band formiert. I erster Linie hed d'Idee so usgseh, dass mer sich einisch i de Wuche zum gmeinsame Musiziere trifft. Im Oktober 2011 hed die erst Prob vo dene junge Musikante stattgfunde. Und gli drufabe sind scho die erste Uftritt dezue cho.

D'Truppe isch i de folgende Jahr dur zwei wiiteri Kamerade ergänzt worde und es händ au scho drü Wächsel stattgfunde. So sind zum hütige Ziitpunkt zäh Lüüt als braXXaner unterwägs. Im Jahr 2014 isch us braXXis offiziell zum Verein worde, präsidert vom Reto Rosenberg. Gmeinsam mit Euch wänd mier jetzt die wiiteri Gschicht vo de braXXis gstalte.

Musig

Gärn spiled mier au a dim Geburtstagsfäst, a dim Hochzit und sustige private oder öffentliche Verastaltige. Da mier pro Jahr nur en beschränkti Azahl a Uftritt chönd mache, settisch du eus möglischst früeh under info@braxxis.ch kontaktiere.